Bansko, Bullgari: Destinacioni më i mirë dimëror

Ky qytet bullgar është një destinacion perfekt për një aventurë të lirë gjatë dimrit.

Pse të shkoni në Bansko: Pasi konsiderohet si vendi më i mirë në Evropë për të bërë ski, qyteti që ndodhet në portën e Malit Pirin është veçanërisht i njohur për ata që e adhurojnë skijimin.

Me ndërtimet e fundit që ka rezultuar edhe me ashensorë të rinj, më shumë hotele dhe një përmirësim të qasjes në shpate, Bansko mbetet me të vërtetë një vend i bukur dhe me kosto të ulët që duhet vizituar.

Ku ndodhet: Bansko ndodhet në Bullgarinë Jugperëndimore në afërsi me kufijtë e Maqedonisë dhe Greqisë. Është qytet-portë për në Parkun Kombëtar Pirin. Aeroporti më i afërt ndërkombëtar është rreth 120km në veri të kryeqytetit Sofje.

Kur të shkoni: Për shkak të kushteve të borës, në Bansko ia vlen të shkoni nga mesi i dhjetorit e deri në fund të majit.

Çfarë të merrni me vete: Nuk ka nevojë që të shqetësoheni shumë rreth asaj që do të vishni në këtë vend. Merreni një xhaketë të mirë dhe të qëndrueshme ndaj të ftohtit, një xhaketë për ski, pantallona të qëndrueshëm ndaj lagështisë, doreza të trasha dhe të papërshkrueshme nga uji, të paktën dy palë çorape të trasha, syze për ski ose syze dielli.

Nëse është hera e parë që shkoni për skijim, huazoni ndonjë veshje skijimi nga dikush apo merrni me qira një xhaketë skijimi dhe pantallona të qëndrueshëm ndaj ujit në Bansko.

Rruga më e lirë: Autobusi publik nga Sofia për në Bansko kushton vetëm rreth 7 euro.

Monedha që përdoret atje: Monedha zyrtare është leva bullgare. 1 euro vlen rreth 1.96 levë bullgare. Bëjeni shkëmbimin e parave në aeroportin e Sofias ose në bankat në Bansko.

Të interesuar që të shkoni në këtë vend mahnitës? Hidhjani një sy ofertës sonë për në Bansko këtu.

Burimi i fotografisë në ballinë: Getty Images